شخابيط

كثير مشغوله برسم و تلوين لأكثر من جهه، و بهالسبب نسيت نفسي و سار لي فتره ما فضيت أرسم لنفسي و أعبر عن إللي بداخلي. عشان كذا ودي أعتذر لكل شخص و شخصه طلبو من رسومات سواءّ بسيطه أو صعبه، أنا أعرف فيه بنات كثير طلبوا منّي أشياء من السنه إللي راحت لدرجه انسى مين طلبت منّي بالضبط... مرة مرة أسفة

بس من جد والله عندي إرتباطات و إلتزامات ما أقدر أأجلها :( سامحوني
---
المهم...
هاذا أول بوست لي بحط فيه شخابيطي و سكتشاتي. رسمتهم أخر مرة رحت فيها الرياض مع خواتي الصغار وأبوي... بس قدرت أقعد ورا و أتمدد و أختي الصغيره قعدت قدام و أخذتها أنا فرصه أرسمها وصورتها معكوسه على المرايه :)


أبوي :)

و أختي الاصغر أزعجتني تبغاني أرسمها كمان !

كثير أحاول أتمّرس كذا ستايل بالرسم بحيث أقدر ارسم موضوع يتناسب معاه الموقف و الشخصية
وهنا أشتهيت أغير ستايل رسمي من ناحية العيون، الانف، و الشعر


أمس بالليل كنت مرة متضايقه و متنرفزه من أمور متراكمة على بعض ! ما قدرت أكمل شُغلي أبد أبد ، لكن قدرت أمسك السكتشبوك و رسمت لي بنّوته حبيتها كثير و أفكر أشتغلها بالفوتوشوب و أضبط فيها الـهِدر أو البانر أو مدري إيش يتسمى تبع بلوقي !