Thursday, April 22, 2010

My Painting Tips & Tools


السلام عليكم و رحمه الله

هالبوست إهداء للأخت ( حنان ) ولكل محبي الرسم ;)
لأنها طلبت مني إعلمها بعض التكنيكات إللي أستخدمها برسمي بالألوان المائيه,,, و باي ذا واي مرررة مرة حسيت بالإطراء حنّوون
---

أول شي حابه أوريكم أدواتي إللي استخدمها ,مرقمة من 1 لـ 7 ... و راح أشرح كل فرشه و طريقة إستخدامي لها *كلِك على الصور للتكبير
1- فرش عريضه من ثلاث أحجام ( 3 إنشات, 2 إنش, 1 إنش)
أستخدمهم دايما لفرد اللون على المساحات الكبيرة مثل السماء و البحر و على فكرة هالنوعيه سيئه لحد يشتريها ! انا انغريت بسعرها كانت رخيصه هههه بس شعرها يطيح

2- هاذي إساساً فرشة ألوان زيتيه ( 1 إنش)
بس أنا أحب أستخدمها لتجسيم أوراق الشجر و الزرع لأنها خشنه, تخلي اللون مكثف و بارز في أماكن معينه تعطي نتيجه جميلة

3- أسفنجه بمقبض !
الصراحه والله انا شفتها و شريتها و ليومكم هاذا معرف إيش وضيفتها بالضبط, فعطيتها وضيفة على مزاجي أستخدمها برضوا لفرد اللون و إذا كان اللون مركز افرده و بنفس الوقت يشفط اللون الزايد , و يعطي تأثير حلو للضباب

4- و هاذي مجموعتي المفضلة دائما للتلوين بالألوان المائيه
الثنتين الكبار دايما الون و ادرّج فيها ألوان الأشجار, الاراضي, البحر بشكل عام دون تفاصيل. الثنتين إللي بعدهم للتضليل الاكثر تركيز و الفرش الصغار و المشطوفه هم للتضليل الأكثر والأكثر تركيز مثل جذوع الأشجار و التفاصيل

5- هالمجموعه من الفرش أستخدمهم أخر شي بعد ما تقريبن أخلص من اللوحه
مفيده للتحديد و رسم تفاصيل صغيره جدن .. مثل خصلات الشعر و رسم المياه الشبه راكده

6- المجموعه هاذي حبيبتي مرة .. كلها مشطوفه .ما عمري إستخدمتها للتلوين المائيه دايما ألون فيها بألوان الأكرليك .

7- إسفنجه مهمه جداً , تعطي تأثير ضبابي وغائم و للأماكن البعيده مثل الشجر من بعيد, أحبها.

* أما اللألوان فهي الأنابيب
Marie's Watercolors.
و مرات أشتري اللي بقارورة مثل اللون الابيض لأنه يخلص بسرعه

بالنسبه للورق أو اللوح فهي نفس النوعيه إللي تعلمت عليها بالثانويه معرف لها أسم معين,أنا أنزل الزاملو أطلب "كارد بورد".تكون بحجم لوحات الفلين ملمسها ناعم بس مو املس,,, حاولت اجيب لها صورة توضح نوعيه سطحها

ممـ عيبها انها تنحني وقت الرسم بسبب تأثير المويه عليها
و إللي يقرف فيها إنو إذا قعدت الون كثير على سطحها و افرك بالفرشه يبدا اللوح ينهري !!! يع

عموما معروف أنو للألوان المائه أحسن نوع ورق هو ورق أرتشيس
Arches Watercolor Paper هاذا شكلها
استخدمته مرة و النتيجه طلعت معاي مش ولا بد !! . ان شالله اجربها مرة ثانيه

----

الحين راح أذكر كم تكنيك و اساسيات تعلمتها و امارسها وقت أرسم :


أول شي أسويه هو إني أجهز فكرة معينه براسي أو منظر عاجبني ابغى ارسم مثله ..
بعدين ارسم سكتش سريع للفكرة على كراسه أو دفتر .. لين ما تظهر لي الفكرة و أتأكد إني حقدر أرسمها على لوحه كبيرة
بعدين بقلم الرصاص الميكانيكي درجه HB
أبدا رسم مجرد الخطوط الاساسية على اللوحه .. مثل خطوط جذع شجرة بدون الأوراق ,و أطراف البحر و الحجر فقط بدون تفاصيل بعدين أول خطوة أشتغلها على اللوحه هي أني ابلل فرشه كبيرة مسطحه بالمويه و ابدا ألون فيها اللوحه عشان ارطبها و بكذا تساعد اللون على انه يمشي بسلاسه بالفرشه


** فرش اللأوان المائيه دايماً تكون ناعمه جدا

* أبدا أولاً بتلوين المساحات الكبيرة بعدين الصغيره .. و أبدا بالالوان الفاتحه بعدين نغمّق
* إذا بغيت لون أكثر شفافية أزيد مويه على اللون, و اذا بغيت اللون كثيف اضيف لون زياده

* وإذا بغيت لون فاتح و مركّز أضيف الأبيض و أذا العكس اضيف من نفس اللون

و أذا بغيته غامق و مركز و مظلم أضيف عليه "نقطه او نقطتين" من اللون الاسود

* في حال بغيت أمزج الالوان باللوحه و أدخلها ببعض و اسوي تدرجات إنسيابه ومتجانسه , لازم اللوحه و المنطقه إللي بشتغل عليها تكون لسّه مرطبه و الالأوان ما نشفت
* أما في حال بغيت أرسم عنصر جديد قدام العنصر الخلفي (مثلاً أرضيه و عليها حصى أو حجر) فالمنطقه لازم تكون إما ناشفه أو غير ملونه و يفضل انها تكون غير ملونه لأنو الالوان المائيه حتى لو كانت ناشفه فهي تذوب إذا جات عليها مويه مرة ثانيه
---

و أخيرن أحب اذكر كتاب مهم وكثير ساعدني بتطوير مهاراتي. :
Here's one of the finest references that helped me with my watercolor painting skills:

Starting to Paint: Watercolour Tips and Technology
للرسّام أرنولد لوري
by Arnold Lowrey كلِك على اسمه

كتاب ممتع عن أساسيات الرسم بالالوان المائيه و يشرح انواع الورق و حامل اللوح و كيفيه تحديد زوايا النظر واستخدام تكتيكات تعطي تأثيرات جميلة ..... الكتاب متوفر بمكتبه جرير و له نسخه مترجمه للعربيه

It's an excellent book for beginners and amateurs, it's got amazing techniques and tips, It talks about brushes and colors and the best way to choose easels, how to define the view from different angles, and how to draw skies, mountains, seas... etc

Also, Arnold has his own YouTube channel, he shows us his wonderful skills and techniques while painting.
الرسّام أرنولد عنده كمان قناة على يوتوب يعرض طريقته بالرسم, و الصراحه هو فنان بزياده و طرق رسمه صعبه حبتين

Arnold Lowrey's Channel on YouTube
--

و أخيرن .. جميع أدواتي و مستلزمات رسمي و تلويني متوفره و أشتريها من مكتبه جرير و محلات الزامل طبعن الزامل معروف عند أهل الشرقيه (الخبر, عند الواجهه البحريه) . و مدري إذا له فرع بأماكن ثانيه بالسعوديه :P

* حنّون .. أتمنى من كل قلبي يكون موضوعي أفادك
تحياتي للجميع


13 comments:

Saja said...

o_O all these brushes mashallah ,,
and i thought painting was easy :S
thanx for the tips niina :)

Haneen said...

LOOL, nope it ain't that easy
but the different sizes of brushes is what eases the difficulty of painting :)

thanx for being here cup cake <3

7ąNήỮnɪỂ said...

Nina I .... I LOVE YOU ... << " blushing face "
Thank you sooo much..for sharing..
Ammm i'll go straight ahead to tell my Mom to buy those stuff..

hehehhe XOX

7ąNήỮnɪỂ said...

Ammm I have a TINY question
What do u think is better ??
Acrylic colors or water colors..??

THANK YOU..

ألـوان التفاؤل ~ said...

ماشاءالله ..
شرح وافي ومفيـد ..

يعطيج الف عافيهـ على هالمجهـوود
وان شاءالله تحققين امانيـج ^_^
بالتوفيــق

Twinkle said...

احب الفنانات لان عندهم حس فني مميز
شكرا عالشرح حنين عزيزتي
تعرفين مرات احب الخبط بالالوان
احس ان الالوان ولخبطتها فضفضة

مدونة راقية جدا فنية جدا

Haneen said...

7annunie :)
you're very welcome honey, glad to be useful.

Well, from my own experience, I see both of them are wonderful in their own ways,
see, I'm new in acrylic, and I have only several paintings, but I really really enjoyed them, and the results are wonderful, acrylic paint is very easy to use, and it gives you many options of topics. In the other hand, watercolor is special, its result r very unique
but I guess controlling the colors with water to produce transparency is the hardest part :S
In a short word, currently I'm a fan if acrylic :)
I advice you to try them both, enjoy the experience, then let me know whatcha think?

take care sweetheart.

Haneen said...

ألوان التفاؤل,
الله يعافيك يارب... سعيده لوجود تجاوب لهالبوست والله
آمين يارب و أماني الجميع
جزاك الله ألف خير, نوريني دايماً :)

Haneen said...

Twinkle
كثير رسّامين يعبرون عن لوحاتهم و يطلع إبداعهم وهم في لحظه غضب, حزن او ضيق !
أما انا ما اشوف نفسي كذا! رغبه الرسم عندي تجيني بلحظه روقآاان و صفاء بالمخ ؟!

شكرا على ردك إللي كله تشجيع
في ميزان حسناتك ان شالله
كرري زياتك عزيزتي :)

7ąNήỮnɪỂ said...

hmmm I guess, I'm going to try both of them ..
But I'll start with acrylic :)

and I promise that I'll post my first painting on my blog "" EVEN if it was HORRIBLE XD "".. hehehe

Once again.. THANK YOU VERY MUCH

أسأل الله أن يوفقك في الدنيا و الآخرة..

فاروق بن النيل said...

Haneen
ماشاء الله عندك صبر وطولة بال للشرح الحقيقة ماكملتش بس مبسوط جدا وأتمنى أن تزورينى بمدونتى حايعجبك موضوعاتها المتنوعة وقد أصبحت عضوا عندك وشكرا لك
farouksam.blogspot.com(عصفور الجنة )

Haneen said...

7annunie :)
Good luck with the experience, i really hope
you enjoy it. and inshallah it'll turn nice, don't expect perfection from the first time :)

and u welcome.

Haneen said...

أخ فاروق
ما أنكر أني تعبت بكتابه هالكم من النقاط و الشرح
بس بكل تأكيد كان ممتع بما إني تكلمت عن شي من أهم و احب الاشياء بحياتي

شاكرة لك تواجدك بمدونتي
و أتشرف بزيارتك :)

Related Posts Plugin for WordPress, Blogger...