Saturday, June 26, 2010

♥ Bridal Path .•°

مرحبا جميعن ،كيف الاجازه ؟
... من أسبوعين .. أو الخميس إللي قبل أول يوم اختبارات لي كان يوم ميلادي !
شي حزين و يكسر الخاطر !! ما أستمتعت بحقيقه إني سرت 21 سنه. الكل تذكرني برسائل عالجوال و كومنتات عالفيس بوك .. و البعض كمان وعدني بعشاء فاخر بعد الاختبارات << و قاعدين يتناسون

My birthday was only two days before my finals, so it sucked, I appreciate the bd wishes I received though <3
. The point is I'm officially 21 :) , I really feel like an independent adult, feels great

و أمي حبيبة قلبي كتبت فيني خاطرة من أروع ما قدم لي
تقدروا تقروها هنا ( كل عام و أنتِ حنيني )
---

المهم .. بوستي اليوم جميل .. لوحتي بعنوانها

Bridal path

لوحة كرتون مقوى ( 40 × 30 إنش)، إستخدمت فيها إلوان مائيه بشكل كثيف
أشتغلت على هاللوحه حوالي 3 شهور << الصيف إللي راح كله و زياده طبعاً جاتني أيام أوقف عن الشغل إما لسفر أو وجود أقارب قاعدين عندنا .. أو لمروري بحالة إحباط و إكتئاب من إحساسي بعدم القدره إني اكمل اللوحه ( والحاله تجيني كثير )

Watercolor on card board (40 x 30 inch )

three months of working ( took me the whole last summer ) this is my best friend's wedding gift from me <3>obsessed with drawing chibies and animes. So I thought a huge watercolor painting would make a great gift :)

المهم، مناسبه هاللوحه إنها كانت هديتي لـ حبيبتي و صديقتي سوما بمناسبه زواجها "الله يسعدها" . قبل ما تتزوج كنت أنا هالفتره ما إرسم إلا كرتون و إنمي و أللّون بالفوتوشوب .. و هي دايما تطلب مني أرسم شي بالمائي بس ما ارد عليها ههه ,,, فقررت أهديها أكبر لوحه بالمائي يوم تتزوج (عشان أفتك من إزعاجها) لول أمزح و تم الانتهاء من اللوحه بعد زواجها بـ 3 أسابيع !!! فكرة اللوحه أخذت مني وقت طويل لين توصلت لهالفكرة .. شهر كامل من التفكير و التجريب .. و الحمد لله مدري كيف توصلت لهالفكرة .. بس كل من شافها فسرها بطريقه معينه ؟

أحبك يا صديفتي :)


Tuesday, June 22, 2010

التاج / Got tagged

السلام عليكم و رحمه الله و بركاته

رجعت من جديد الحمد لله بعد صرااااع مع هالاختبارات، والله إنهد حيلنا .. يلا الله يعوضنا و لا يضيع تعبنا
أهم شي أنو الصيف حرررررر بس يالله قد إيش كنت محتاجه هالاجازه الصيفيه تجي

anyway.... I got tagged !
بس لاحظت الكل يقول عنه التاج "إللي فوق الراس" ؟ ما أدري والله وين الرابط بالمعنى بين الاثنين ؟
يمكن عشان قريبين من نفس النطق، بس عجبني هالاسم الصراحه!
---

قوانين التاج السلطاني :

* اذكر اسم من طلب منك حل هذا الواجب
الأخت شيخه صاحبه مدونه " هنا أكون "
----
* تحدث عن ستة أسرار قد لا يكتشفها من يقابلك للمرة الأولى

1- شكلي،إللي يشوفني من أول مرة يحّسبني مغرورة، مدلعه، و ما أعطي وجه!! مدري ليه، بس كل صاحباتي و أعز صديقاتي كانو يقولو كذا .. ولمّا عرفوني أكتشفوا العكس تماماً، مرجوجه أحب المزح و التنكيت و قليل منهم يقول انو شخصيتي واضحه و على نيّاتي من أول مرة شافوني!

2- غير إجتماعيه، مأ ادخل جو بسرعه مع ناس ما أعرفهم و لا أعرف أجامل و أفتح موضوع نسولف فيه، و مرات ما أحب أتعرف على ناس جديده! ممكن هالصفه هي إللي تعطي إنطباع لكل من شافني بأني مغروره، ولا أحب وحده توني متعرفه عليها أنها تشيل الكلافه و تطيح الميانه حبة و حده !! يعني وحده ما كلمتها أو قعدت معاها غير مره مرتين ..تجي تمزح ولا تطّنز أو تطلب طلب ثقيل أنحرج أقولها لأ، يالله أتنرررفز.لكن إذا إرتحت لأحد و سار بينا إنسجام ,, مع الوقت شخصيتي تختلف كلياً، جريئه و مرحه و مرجوجه و أحس براحه و ثقه

3- بيتوتيه وأحب الهدوء ولي جويّ الخاص، ما أحب الطلعات والعزايم الكثيرة، أفضل أطلع إذا أحتجت شي من السوق أو العزايم الخفيفه، مثل جمعه في بيت صديقاتي أو خالتي. مرات أشتهي أطلع إذا مرت فتره طويله ما طلعت من البيت. هالشي يخلي أبوي يعتقد إني إنسانه إنطوائيه، فيجبرني مرات إني أطلع -__- لكن الحمد لله عندي صديقات كثير أحب أتجمع معاهم و نقلبها هبل ووناسه و إزعاج، لكن بالاخير أشتاق لغرفتي و لجوي الخاص الهادي لحالي.

4- أتنرفز بسرعه، و بسهوله أتضايق.. و هالشي مصدر وناسه لأخواني، صاحبات، و أمي ! يقولو شكلك فلّة لما تتنرفزي و تعصبي! " أسير أقول كلام ماله معنى" أحس لو وحده من خواتي طفشانة تروح لأخوي الكبير تقوله "طفش" .. يرد عليها" قومي نحارش بـ نينا" !!

5- كلامي سريع و أحب التفاصيل و قت اقول سالفه تحمّس! لدرجه إني أكل حروف و كلماتي تدخل فبعض هههه و محد يستوعب و يلحّق عليّ غير إللي متعود على كلامي لول و المشكله لو وحده فيها هالصفه جات تكلمني بهالاسلوب أقولها " هدّي شوي شوي " او إني إسرحّ بنص سالفتها
و ما أمسك خط إلا عالنهايه<< و أتورّط

6- متردده و متذمرة، و هالحاله ما تزيد عندي إلا وقت أكون بالجامعه و بالمحاظرة أو أكون مسافرة، و هالشي ينّكد عليّ يومي كله و يخرّب مزاجي، ما أرتاح إلا لما يسير إللي نفسي فيه، أو إني أشغل نفسي بحاجه ثانيه< مثل البزران

----
* حول هذا الواجب إلى ستة مدونين، واذكر أسماءهم مع روابط مدوناتهم في موضوعكـ

و الله أنا توني جديده بعالم الـ بلوقر و ما امداني أعرف ناس كثير. فـ بأحول هالواجب لـ
حـــنّـونــي
ريـــــما
Lil.D
النـور القـريـب
--

أخيرن، حفاظاً على حقوق صاحبه الرسمه بأول البوست:
Golden Crown~ wasteddreams

Tuesday, June 8, 2010

EXAMS

هاي، راح أنقطع عن بلوقي لمده أسبوعين بسبب أختباراتي
أنتظروا مني الجديد ان شالله ، ألقاكم على خير :)
دعواتكم

Hi everyone, I'll be posting again after I finish my final exams,
so, see ya after two weeks :)

Related Posts Plugin for WordPress, Blogger...