Random stuff

مرحبا، ممـ انا فرحانه مرة الحمدلله ... والله يديم عليّ الحال :)
أمس تجمعت مع صديقاتي حبيباتي من الثانوية,, تقريبا سار لي 4 شهور ماشفهتم، كثير كنت محتاجتهم و مشتاقتلهم...
إيه، و شفت بنت صديقتي سوما "نور" أموووورة كثير و صغنونة ،

أني واي... مافيش حاقة قديدة، عندي كم رسمه أشتغلتهم الشهر إللي راح و نسيت اعرضهم هنا!

طبعن أول ما سمعت بخبر ولادة صديقتي ..هاذا إللي قعدت افكر فيه طول الوقت :)


أول ما دريت عن تغيير مواعيد دوامات جامعتي الهبلة !، بدّروا موعد أول محاظرة بحيث تبدا الساعه 7ونص!! نعمة من ربي أني ما اداوم من سبعه إلا يوم واحد بالاسبوع ، والشكل يكون تماما كما بالرسمه أعلاه :)

و هاذي هدية لأخوي المزعج العزيز :)


وبث :)

Types Of College Girls

Hi, so there are 3 types of girls in my college who really bug me every time I see them or set behind them in class ! I know it's none of my business to complain about their style !! but it bugs me so bad that I wanted to draw/criticize these three types.

1- The 1st type is the -fake faces- girls: this type bugs me the most, I swear seeing them in the restrooms every morning wearing high heels and hair styles with all their huge makeup sets and brushes, that really gets on nerves, I mean SERIOUSLY!!!! can't they differentiate between the day makeup & the night makeup!!!

2- The 2nd type is tomboy/butch/boya or whatever! those girls are creepy! they shout, talk and walk exactly like guys, I don't make eye contact with them :|

3- The 3rd is... I don't know what to call them? they're a type of girls who never ever put a Liiiiittle effort to look nice or at least fine -do they hate themselves or something???- their hair look greasy the whole week, they don't wear lip gloss, and they don't shave their hands!! completely untidy. I hate it when they sit in front of me :(

4- Finally my favorite type -which is my type as well- is the type -in my point of view- the normal balanced type. they dress simple yet nice, they don't do hair styles, usually they wear it down with a hair band,, oh! and they wear little makeup -blusher-eyeliner-lipstick

anyway,,, hope you like it :)

Characters

-شخصيات- كل شخص ينظر للحياة بنظرة مختلفه عن غيره، و هاذا إللي يميّز كل واحد عن الثاني

قضيت عيد الفطر بالرياض زي العاده ... للأسف روحت الرياض تضيّق صدري! ما أحبها و لوّلا أنّو أهليّتنا هناك كان ما طبّيتها ،مع أحترامي لأهالي الرياض. كنت قاعده لحالي ببيت جدتي -الله يرحمها- و النفسيه معدومه و أخلاقي مدري كيف كانت ... قعدت أتحلطم طول الوقت و أشخبط بسكتشي العزيز و طلع معاي شي مقرف ! سكتش أو فكرة مريضه؟ أول مرة بحياتي أرسم شي زي كذا !خواتي الصغار انفجعوا منها لول، حسيتني أنسانه مو طبيعيه وقتها
و جا هالوييكند و فكرت أشتغل عليها و أطبقها على الفوتوشوب .. :)

I was in Riyadh during Eid vacation when I sketched this awful so-not-me idea. With all due respect to Riyadh's people, but being there for more than 2 days makes me the gloomiest, whiniest person on earth! So I was sitting alone for a long time that day, at my dead grandma's house, on her bed, so annoyed, irritated,,, then BAM ! I came with this horrible sketch that scared my little sisters :)

full size please

Photoshop CS4, Wacom intous 4
3 days of work -almost 16 hours-

My First Humble Gallery

مودي متعكر لأبعد حد، كنت قاعده أشتغل على لوحة بالاكريليك من ثلاث أيام و أمس بطريقه هبلة خرّبت اللوحة و النتيجة كانت قبيحه، حسيت بالاحباط، ما قدرت أعدلها، تعبت منها ، و زهقت من كثر ما أحاول فيها، ظهري عورني من الساعات الطويلة و السهر عليها.
أستسلمت للفشل، زعلت، بكيت، و شخبطت عاللوحة و لملمت أدوات رسمي و فرشي و رفعت لوحتي و قفلت الستاند
زعلانه مرة و متضايقه كثير ... و أفكر أخذ بريك من الرسم التشكيلي لفتره أعتقد انها بتكون طويلة .. و بركز على رسم الديجيتال و القصه إللي قاعده أشتغل عليها من فتره ...

بعدين انتبهت أنو للحين ما عرضت صور معرض لوحاتي إللي كان برعايه نادي الخبر التطوعي و ضمن حملة "تاج راسي"

So I realized that I haven't posted any photos from my first art gallery!
well, It wasn't really an art gallery, It was a corner for three visual artists sponsored by Al-Khobar Voluntary Club at Al-Rashed Mall in Al-Khobar city

الحملة كانت بمجمع الراشد بالخبر، بشهر مايو الماضي، للتذكير ببر وحقوق الوالدين، البنات من نادي الخبر التطوعي ما قصر معي و عملوا لي أنا و رسّامتين تشكيليتين ركن نعرض فيه لوحاتنا و أعمالنا :)
الصراحة كان يوم طويل و شاق بس من أجمل الايام إللي مرت عليّ ، يعني حلمي أعرض لوحاتي للعالم و الكل يشوف فنّي
الحضور كان كثير الحمد لله و الكثير أعجب بالحملة و بالمعرض و بكل اللوحات :)

و هاذا الركن الخاص بلوحاتي المتواضعه ..


أتمنى هالمعرض يكون فاتحة خير لي و لباقي الفنّانات إللي عرضّوا لوحاتهم ..
و أن شالله يارب أقدر أعرض لوحات أكثر و اعمل معرضي الخاص ;)

ألصورة الاولى و الاخيرة من تصوير الاخت سمية أخذتهم من صفحتها عالفليكر

Wacom Intuos 4

و أخيرن وصلني تابلتي الجديد (تراني نصّابه هو واصلني من يمكن أسبوعين بس توّني أفضى أنزل البوست) ز

من فتره و أنا ادورو بأكسترا و جرير و عجزت ألاقي الواكوم,,, يوم فقدت الامل طلبته من أمازون، كنت متردده كثير لأنو أول مرة أشتري عن طريق النت. لكن الحمد لله الموضوع طلع أبسط شي بالدنيا ! و التوصيل ما أخذ أسبوع
و الحين انا استمتع بتابلتي العزيز" واكوم إنتيوس 4 "، أنا صورته وراح أتكلم عالسريع للّي ما عنده خلفيه عنه

أخذت الحجم الصغير 12.2 ×8.2،

حجمه مريح جدا لي لأنو تابلتي القديم كان قريب من حجمه و كنت كثير مرتاحه بمساحته

الجهاز فضيع و ذكي و الازرار إللي على الجنب كثير تساعد وقت الرسم

أول ما بديت أثبت الجهاز على لابتوبي سألني ان كنت " رايت هاندد أو لفت هاندد" أي اكتب باليمين أو الشمال، و بما أني أنا عسراويه فبأمكاني أني أقلب الجهاز وكل خصائص التحكم و الازرار راح تتحول :)

كل زر له وضيفه بأمكاني أحددها من نفسي مثل ما أحب و مثل ما يريحني، أما الحلقه إللي بالنص فهي باللمس و وضيفتها للزوم إن و أوت و تغيير حجم الفرشه و قلب الصفحه ..

الجهاز مرفق بماوس و بقلم ديجيتال يعمل بدون بطاريه .بالنسبه القلم فهو يشتغل من الجهتين، جهه للرسم و جهه مسّاحة، و حامل القلم نفسه عبارة عن علبه لحفظ 10رؤوس إضافيه كل وحده لها ملمس مختلف نوعاً ما عن غيرها .. بس من تجربتي لهم شفت أنها تعطي نفس التأثير.

وهنا حبيت أقارنه مع تابلتي القديم المكحكح ، سار لو عندي حوالي 7 سنين ... و هالسنه بس إللي بدا يخّرف و يستهبلي معايا

و أخيرن.... هاذي أول تجربه رسم لي عليه و كانت ناجحه و ممتتتعه الحمد لله

لكم هدية من أبوي!.. قعد يلعب على رسمتي و رسم لها شنبات ..أستحيت أخرب عليه الجو و ما قدرت أمسحها بعدين.. لول < خلي الدلّع ينفعك

الحمد لله إنو كنت حافظه الرسمه من أول :p

عموما إللي حاب يعرف أكثر عن هالموديل ممكن يزور هاذا اللنك :)

http://www.wacom.com/intuos/small.php

شخابيط

كثير مشغوله برسم و تلوين لأكثر من جهه، و بهالسبب نسيت نفسي و سار لي فتره ما فضيت أرسم لنفسي و أعبر عن إللي بداخلي. عشان كذا ودي أعتذر لكل شخص و شخصه طلبو من رسومات سواءّ بسيطه أو صعبه، أنا أعرف فيه بنات كثير طلبوا منّي أشياء من السنه إللي راحت لدرجه انسى مين طلبت منّي بالضبط... مرة مرة أسفة

بس من جد والله عندي إرتباطات و إلتزامات ما أقدر أأجلها :( سامحوني
---
المهم...
هاذا أول بوست لي بحط فيه شخابيطي و سكتشاتي. رسمتهم أخر مرة رحت فيها الرياض مع خواتي الصغار وأبوي... بس قدرت أقعد ورا و أتمدد و أختي الصغيره قعدت قدام و أخذتها أنا فرصه أرسمها وصورتها معكوسه على المرايه :)


أبوي :)

و أختي الاصغر أزعجتني تبغاني أرسمها كمان !

كثير أحاول أتمّرس كذا ستايل بالرسم بحيث أقدر ارسم موضوع يتناسب معاه الموقف و الشخصية
وهنا أشتهيت أغير ستايل رسمي من ناحية العيون، الانف، و الشعر


أمس بالليل كنت مرة متضايقه و متنرفزه من أمور متراكمة على بعض ! ما قدرت أكمل شُغلي أبد أبد ، لكن قدرت أمسك السكتشبوك و رسمت لي بنّوته حبيتها كثير و أفكر أشتغلها بالفوتوشوب و أضبط فيها الـهِدر أو البانر أو مدري إيش يتسمى تبع بلوقي !